जुना पुतळा किल्ले अजिंक्यताऱ्यावर उभारणार

सातारा पोवई नाका शिवतीर्थावर छत्रपती शिवरायांचा ३० फूट पुतळा

15 February, 2025

 सातारा : सातारा पोवई नाका येथील शिवतीर्थावर छत्रपती शिवाजी महाराज यांचा ३० फूट उंचीचा पुतळा उभारण्यात येणार आहे. सातारा नगर पालिकेने या कामासाठी २ कोटींची तरतूद केलेली आहे. पुण्याच्या अनुषंगाने आवश्यक परवानग्या घ्याव्या लागतील, पुतळे बनवणारे मूर्तीकार ठरवावा लागेल. स्ट्रक्चरल ऑडिट केले जाणार आहे. दिल्लीतील मूर्तीकारांसोबत संपर्क साधला जाणार आहे. हा पुतळा ब्राँझ धातूमध्ये तयार करण्यात येणार असून जुना पुतळा अजिंक्यतारा किल्ल्यावर उभारण्यात येणार असल्याची माहिती राज्याचे सार्वजनिक बांधकाम मंत्री शिवेंद्रराजे भोसले यांनी पत्रकार परिषदेत दिली. ना. भोसले शिवेंद्रराजे म्हणाले, यावेळची शिवजयंती महाराष्ट्रासह देशात मोठ्या उत्साहात साजरी होणार आहे.

 महाराष्ट्रातील पहिले शिवसाहित्य संमेलन दि. १७ रोजी सातारा येथे होत असून त्याचे उद्घाटन खा. श्री. छ. उदयनराजे भोसले यांच्या हस्ते सकाळी १०.३० वाजता शाहू कलामंदिर येथे होणार आहे. या संमेलनात स्वराज्यात योगदान देणाऱ्या विविध जातीतील महापुरूषांवर व्याख्यानांचे आयोजन करण्यात आलेले आहे. दि. १८ रोजी सायंकाळी ६.३० वाजता गडपूजन, सायंकाळी ७ वाजता होणार आहे. राहुल सोलापूरकर यांनी छत्रपती शिवाजी महाराजांच्या विषयी वादग्रस्त वक्तव्य केले होते असा प्रश्न विचारतात शिवेंद्रसिंहराजे र म्हणाले समाजामध्येवितुष्ट निर्माण होईल असे महापुरुषांवर कुणीही बोलू नये...प्रचलित कायद्यानुसार महापुरूषांवर वादग्रस्त वक्तव्य करणाऱ्यांवर कडक कारवाई झाली पाहिजे. छत्रपती शिवाजी महाराजांचा विचार संघ परिवाराने उचलून धरला आहे. सोलापूरकर यांच्या वक्तव्याला संघाच्या पदाधिकाऱ्यांनी पाठिंबा दिलेला नाही. विरोधकांकडून राजकीय चर्चा केल्या जातात. वितुष्ट निर्माण होईल असे महापुरूषांवर कुणीही बोलू नये. त्यामुळे संपूर्ण राज्य वेठिस धरले जाते. प्रसिद्धीसाठी असा खटाटोप करणे चुकीचे आहे. अफजलखान खानची कबर पर्यटकांच्यासाठी खुली करणार आहात का? तसेच या पर्यटकांच्यामुळे प्रतापगडच्या परिसरातील भूमिपुत्रांना रोजगार मिळेल असा प्रश्न विचारतातशिवेंद्रराजे भोसले म्हणाले, जिल्हा प्रशासनाने काही निर्णय घेतले आहेत. धार्मिक विधीनुसार त्याठिकाणी फक्त पूजा होते. भावना दुखवल्या जाऊ नयेत यासाठी जिल्हा प्रशासनाने त्याठिकाणी मनाई केली असल्याचे त्यांनी सांगितले.अजिंक्यतारा किल्ल्यावर मशाल महोत्सवाचे आयोजन करण्यात आले आहे. दि. १९ रोजी सायंकाळी ५ वाजता भव्य शोभायात्रा काढण्यात येणार आहे. लोकांच्या आग्रहाखातर केरळचे १०० कलाकार केरळी वाद्यांसह शोभायात्रेत सहभागी होणार आहेत. सातारकरांनी पारंपरिकवेशभूषेत सहभागी व्हावे. रात्री ९ वाजता शिवतीर्थ पोवई नाका येथे छत्रपती शिवरायांची महाआरती होणार आहे.मुंबईतील समुद्रामध्ये शिवाजी महाराजांचे होणारे स्मारक कोणत्या स्टेज परत काम आले आहे असे विचारताच ते म्हणाले न्यायालयात हे प्रकरण आहे.

शहाजीराजे यांच्या कर्नाटकातील समाधीबाबत विचारले असता ना. शिवेंद्रराजे भोसले म्हणाले, समाधी स्थळाच्या कामासाठी निधी उपलब्धकरून देण्यात आला होता. मात्र तांत्रिक अडचणींमुळे पुढे काम होऊ शकले नाही.किल्ल्यांकडे जाणाऱ्या रस्त्यांबाबत विचारले असता ना. शिवेंद्रराजे भोसले म्हणाले, किल्ल्यांवर धार्मिक स्थळे असून अशा किल्ल्यांकडे जाणाऱ्या रस्त्यांची कामे करण्यात येणार आहेत. काँक्रीट रस्त्यांना प्राधान्य राहील. टप्प्याटप्प्याने हे रस्ते करण्याचे नियोजन करण्यात आले आहे.अजिक्यतारा किल्ल्यावर शिवसृष्टीबाबत विचारले असता ना. शिवेंद्रराजे भोसले म्हणाले, किल्ल्याकडे जाणाऱ्या मार्गाचे काम झाले आहे. पदपथाचे काम सुरू आहे. बुरूज दुरूस्तीचे काम हाती घेण्यात आले आहे. तत्कालीन जिल्हाधिकाऱ्यांनी आराखडा तयारकेला आहे. राजसदरेचे काम शिवकालीन पद्धतीने करण्यात येणार आहे. तटबंदीची दुरुस्ती करण्यात येणार आहे. जिल्हा नियोजनमधून ५ कोटींचा निधी उपलब्ध केला असून आणखी कामे प्रस्तावित आहेत.

यावेळी विनीत कुबेर, अविनाश कदम, अमित कुलकर्णी, अमोल मोहिते, राजू गोरे, रवी माने, शिवप्रेमी संघटनांचे पदाधिकारी उपस्थित होते.