single-post

अजितदादांनी दिलेला शब्द मकरंद आबांनी पाळला; उदय पाटील उंडाळकर यांचा जिल्हा बँकेच्या अध्यक्षपदी सन्मान!

राष्ट्रवादी काँग्रेसमध्ये प्रवेश करताना अजितदादांनी दिले होते सन्मानाचे आश्वासन; उदय पाटील उंडाळकर यांना अध्यक्षपदाची संधी देत मकरंद आबांनी जपली शब्दाची परंपरा

18 November, 2026

अजितदादांनी दिलेला शब्द मकरंद आबांनी पाळला; उदय पाटील उंडाळकर यांचा जिल्हा बँकेच्या अध्यक्षपदी सन्मान!

राष्ट्रवादी काँग्रेसमध्ये प्रवेश करताना अजितदादांनी दिले होते सन्मानाचे आश्वासन; उदय पाटील उंडाळकर यांना अध्यक्षपदाची संधी देत मकरंद आबांनी जपली शब्दाची परंपरा

सातारा : राजकारणात आश्वासने देणारे अनेक असतात; मात्र दिलेला शब्द कृतीतून पूर्ण करणारे नेतृत्व फार कमी पाहायला मिळते. राजकीय समीकरणे बदलतात, परिस्थिती बदलते; परंतु दिलेला शब्द आणि त्यामागील विश्वास जपणे ही नेतृत्वाची खरी कसोटी असते. याचाच प्रत्यय सातारा जिल्ह्याच्या राजकारणात नुकत्याच घडलेल्या एका महत्त्वपूर्ण निर्णयातून आला आहे. स्वर्गीय अजितदादा पवार यांनी उदय पाटील उंडाळकर यांना राष्ट्रवादी काँग्रेसमध्ये प्रवेश करताना दिलेले सन्मानाचे आश्वासन राज्याचे पुनर्वसन मंत्री तथा राष्ट्रवादी काँग्रेसचे नेते मकरंद आबा पाटील यांनी प्रत्यक्ष कृतीतून पूर्ण केल्याची भावना राजकीय वर्तुळात व्यक्त होत आहे.

स्वर्गीय अजितदादा पवार हयात असताना कराड येथे उदय अॅड. उदयसिंह पाटील उंडाळकर यांनी राष्ट्रवादी काँग्रेस पक्षात प्रवेश केला होता. त्यावेळी अजितदादांनी त्यांचे स्वागत करताना, "राष्ट्रवादी काँग्रेसमध्ये तुमचा सन्मानच होईल. पक्षात प्रवेश केल्याचा तुम्हाला कधीही पश्चात्ताप होणार नाही," अशा शब्दांत विश्वास दिला होता. अजितदादांचे हे शब्द केवळ राजकीय स्वागतापुरते मर्यादित नव्हते, तर पक्षात त्यांना योग्य स्थान आणि सन्मान मिळेल, अशी ग्वाही त्यातून देण्यात आली होती.

आज अजितदादा आपल्यात नसले, तरी त्यांनी दिलेला तो शब्द मात्र विस्मरणात जाऊ दिला नाही. सातारा जिल्ह्याच्या राजकारणातील महत्त्वाचे नेतृत्व असलेले राज्याचे पुनर्वसन मंत्री मकरंद आबा पाटील यांनी उदय पाटील उंडाळकर यांची सातारा जिल्हा मध्यवर्ती सहकारी बँकेच्या अध्यक्षपदी निवड होण्यासाठी महत्त्वपूर्ण भूमिका बजावली. या निर्णयातून अजितदादांनी दिलेल्या आश्वासनाला प्रत्यक्ष कृतीची जोड मिळाली आहे. त्यामुळे उदय पाटील उंडाळकर यांना मिळालेले अध्यक्षपद हा केवळ राजकीय सन्मान नसून, स्वर्गीय अजितदादांनी दिलेल्या शब्दाची पूर्तता असल्याची चर्चा राजकीय वर्तुळात सुरू आहे.

शब्द पाळण्याची परंपरा हीच मकरंद आबांची ओळख!

राजकारणात विश्वासार्हता टिकवण्यासाठी केवळ राजकीय ताकद पुरेशी नसते, तर दिलेला शब्द पाळण्याची वृत्तीही तितकीच महत्त्वाची असते. मकरंद आबा पाटील यांच्या कुटुंबाची राजकीय ओळख ही शब्दाला महत्त्व देणारे आणि विश्वासाचे राजकारण करणारे घराणे अशी राहिली आहे. राजकीय परिस्थिती कोणतीही असो, एखाद्याला दिलेला शब्द आणि त्यातून निर्माण झालेला विश्वास जपण्याला या नेतृत्वाने नेहमीच महत्त्व दिल्याचे समर्थकांचे म्हणणे आहे.

उदय पाटील उंडाळकर यांना जिल्हा बँकेच्या अध्यक्षपदी संधी मिळणे, ही याच राजकीय संस्कृतीची प्रचिती असल्याचे मानले जात आहे. स्वर्गीय अजितदादांनी दिलेला शब्द त्यांच्या पश्चातही मकरंद आबांनी जपला. त्यामुळे पक्षातील सहकाऱ्यांशी असलेले संबंध, विश्वास आणि नेतृत्वाची बांधिलकी यांचे महत्त्व अधोरेखित झाले आहे.

अजितदादांच्या शब्दाला मकरंद आबांनी दिला मान!

सातारा जिल्हा मध्यवर्ती सहकारी बँक ही जिल्ह्याच्या सहकार क्षेत्रातील अत्यंत महत्त्वाची संस्था आहे. अशा संस्थेच्या अध्यक्षपदी उदय पाटील उंडाळकर यांची निवड होणे, ही त्यांच्या राजकीय वाटचालीतील महत्त्वाची घडामोड आहे. मात्र या निवडीला स्वर्गीय अजितदादांनी दिलेल्या शब्दाची पार्श्वभूमी लाभल्याने या घटनेला विशेष भावनिक आणि राजकीय महत्त्व प्राप्त झाले आहे.

आज अजितदादा हयात नसताना त्यांनी दिलेला शब्द मकरंद आबांनी पूर्ण केल्याची भावना राष्ट्रवादी काँग्रेसच्या कार्यकर्त्यांमध्ये व्यक्त होत आहे. केवळ पक्षातील कार्यकर्त्यांमध्येच नव्हे, तर सातारा जिल्ह्यातील राजकीय वर्तुळातही मकरंद आबांच्या या भूमिकेचे कौतुक होत आहे.

राजकारणात पदे मिळवणे, सत्ता मिळवणे आणि राजकीय समीकरणे जुळवणे या गोष्टी घडतच असतात; परंतु एखाद्या नेत्याने दिलेला शब्द त्याच्या पश्चातही दुसऱ्या नेतृत्वाने जपणे, ही बाब निश्चितच लक्षवेधी आहे. स्वर्गीय अजितदादांच्या आठवणींना उजाळा देणारी आणि मकरंद आबांच्या शब्दाला जागणाऱ्या नेतृत्वाची प्रचिती देणारी ही घटना ठरली आहे.

अजितदादांनी दिलेला विश्वास, उदय पाटील उंडाळकर यांना मिळालेला सन्मान आणि मकरंद आबांनी जपलेला शब्द... या तीन गोष्टींमुळे सातारा जिल्ह्याच्या राजकारणात आजच्या अध्यक्षपदाच्या निवडीची चर्चा केवळ राजकीय निर्णय म्हणून नव्हे, तर विश्वास आणि शब्दाच्या राजकारणाचा आदर्श म्हणून होत आहे.