वाईत अजितदादांच्या राष्ट्रवादीचाच ‘करिश्मा’! पंचायत समितीत डोंगरे सभापती, तर वर्षाताई जगताप उपसभापती;अजितदादा गटाचे निर्विवाद वर्चस्व सिद्ध; गुलालाची उधळण अन् फटाक्यांच्या आतिषबाजीत कार्यकर्त्यांचा जल्लोष

मंत्री मकरंद पाटील यांची पावर ; वाई पंचायत समितीवर राष्ट्रवादीचा निर्विवाद झेंडा! ​मकरंद आबांची अभेद्य तटबंदी; विरोधकांचे मनसुबे उधळले! ​राजकीय समीकरणांना नवी दिशा; वाईत 'दादा' गटाचाच बोलबाला.

16 March, 2026

वाईत अजितदादांच्या राष्ट्रवादीचाच ‘करिश्मा’! पंचायत समितीत डोंगरे सभापती, तर वर्षाताई जगताप उपसभापती

​अजितदादा गटाचे निर्विवाद वर्चस्व सिद्ध; गुलालाची उधळण अन् फटाक्यांच्या आतिषबाजीत कार्यकर्त्यांचा जल्लोष

​वाई | 16 मार्च 2026: (जरंडेश्वर समाचार वृत्त जनसेवा):- सातारा जिल्ह्याच्या राजकारणात नेहमीच केंद्रस्थानी राहिलेल्या वाई तालुक्यात पुन्हा एकदा उपमुख्यमंत्री अजितदादा पवार यांच्या नेतृत्वाखालील राष्ट्रवादी काँग्रेस पक्षाने आपले वर्चस्व निर्विवादपणे सिद्ध केले आहे. वाई पंचायत समितीच्या सभापतीपदी विक्रांत (भैय्यासाहेब) डोंगरे आणि उपसभापतीपदी वर्षाताई जगताप यांची बिनविरोध निवड झाली. या निवडीमुळे तालुक्यात राष्ट्रवादीच्या कार्यकर्त्यांनी मोठा जल्लोष केला असून, 'अजितदादा' ब्रँडची ताकद पुन्हा एकदा अधोरेखित झाली आहे.

​पाटील गटाची फिल्डिंग यशस्वी!

​राज्याचे मंत्री मकरंद आबा पाटील, खासदार नितीन पाटील आणि ज्येष्ठ नेते मिलिंद दादा पाटील यांच्या मार्गदर्शनाखाली ही निवड प्रक्रिया अत्यंत चोख पार पडली. स्वराज्य संस्थांच्या निवडणुकांनंतर आणि राज्याच्या बदललेल्या राजकीय समीकरणानंतर झालेली ही निवड राष्ट्रवादीसाठी प्रतिष्ठेची होती. उपमुख्यमंत्री अजितदादा पवार आणि सुनित्राताई पवार यांच्या नेतृत्वावर विश्वास ठेवत, वाईमध्ये राष्ट्रवादीने विरोधकांना चारीमुंड्या चीत केले आहे.

​जल्लोष आणि घोषणाबाजीने परिसर दुमदुमला

​निवड जाहीर होताच पंचायत समिती कार्यालयाबाहेर कार्यकर्त्यांनी प्रचंड गर्दी केली होती. "अजितदादा पवार यांचा विजय असो", "मकरंद आबा तुम आगे बढो" अशा घोषणांनी परिसर दणाणून गेला. गुलालाची उधळण आणि ढोल-ताशांच्या गजरात नवनिर्वाचित पदाधिकाऱ्यांची मिरवणूक काढण्यात आली. यावेळी किसनवीर कारखान्याचे व्हाईस चेअरमन प्रमोद दादा शिंदे, महादेव भाऊ मस्कर,मदन भोसले,संपतराव वाघ,राजू काका भोसले,, उमेश भोसले, मोहन जाधव, लक्ष्मण पिसाळ,यांच्यासह अनेक दिग्गजांनी डोंगरे व जगताप यांचे अभिनंदन केले.

​विकासाचा 'अजित' पॅटर्न राबवणार: विक्रांत डोंगरे

​निवडीनंतर आक्रमक पवित्रा घेत नवनिर्वाचित सभापती विक्रांत डोंगरे म्हणाले की, "ही निवड सर्वसामान्य कार्यकर्त्याची आहे. तालुक्यातील रस्ते, पाणी, शिक्षण आणि आरोग्य या मूलभूत प्रश्नांवर आमचा भर असेल. अजितदादांच्या कार्यपद्धतीनुसार 'लोकाभिमुख आणि पारदर्शक' कारभार करून वाई तालुक्याचा कायापालट करू."

​महिला सक्षमीकरणाला प्राधान्य: वर्षाताई जगताप

​उपसभापती वर्षाताई जगताप यांनी महिलांच्या प्रश्नांवर लक्ष केंद्रित करणार असल्याचे सांगितले. "ग्रामीण भागातील बचत गट आणि महिला सक्षमीकरणासाठी आपण सभापतींच्या सोबतीने प्रभावी योजना राबवू," असा विश्वास त्यांनी व्यक्त केला.