लखनऊत मायावतींचा राजकीय बिगुल! — “स्वतंत्र लढाई”चा निर्धार, दलित–OBC एकतेचा नवा अध्याय

सपा–काँग्रेसवर मायावतींचा तीव्र हल्ला : “दोगले स्वभाव” आणि “हवा-हवाई वायदे”चा जोरदार प्रतिकार; भाजप सरकारच्या स्मारक देखभालीचं कौतुक — पण विरोध कायम! संतुलित राजकीय खेळीचा नमुना; 2027 निवडणुकीसाठी बीएसपीचा स्पष्ट निर्णय : “गठबंधन नाही, लढाई स्वतःच्या बळाव

15 October, 2025

लखनऊ दि१५ :-: उत्तर प्रदेशच्या राजकीय क्षितिजावर पुन्हा एकदा बहुजन समाज पक्षाचा निळा झेंडा जोरदार फडकला आहे. बीएसपी प्रमुख मायावती यांनी कांशीराम स्मारक प्रांगणात कांशीराम यांच्या पुण्यतिथीनिमित्त घेतलेल्या विराट जनसभेत “स्वतंत्र लढाईचा” निर्धार करत सपा–काँग्रेसवर तीव्र हल्ला चढवला आणि भाजप सरकारवर मर्यादित प्रशंसेचा सूर लावला. या सभेला आलेल्या प्रचंड गर्दीमुळे परिसर अक्षरशः गजबजून गेला होता. गर्दीत काही ठिकाणी स्टेज दिसत नव्हता, मोबाइल नेटवर्कही खंडित झाले होते. युवा आणि नवमतदार वर्गाचा सहभाग या रॅलीचं सर्वात ठळक वैशिष्ट्य ठरलं. बीएसपीच्या ध्वजांनी नटलेलं स्मारक प्रांगण आणि “जय भीम”–“बहुजन एकता जिंदाबाद” या घोषणा ऐकवत ही सभा संपन्न झाली.

???? भाजपा सरकारचे कौतुक पण मर्यादेत! मायावतींनी आपल्या भाषणाच्या सुरुवातीलाच भाजप सरकारकडून कांशीराम स्मारकांचे योग्य रखरखाव केल्याबद्दल “हमारी पार्टी उनकी आभारगृह है” असे म्हणत एक अनपेक्षित प्रशंसा केली. पण लगेचच त्यांनी भाजपवर सॉफ्ट पण गंभीर टीका करत सांगितले की, “आपली लढाई सामाजिक न्यायासाठी आहे, कुणाच्याही विरोधासाठी नव्हे, पण अन्यायाविरुद्ध मात्र ठामपणे उभे राहणार आहोत.” राजकीय विश्लेषकांच्या मते, हे विधान मायावतींच्या “संतुलन राखणाऱ्या” राजकारणाचा भाग आहे. थेट विरोध न करता, विरोधकांवर शब्दबाण सोडणे — हीच बीएसपीची पारंपरिक राजकीय शैली.

???? सपा-काँग्रेसवर तीव्र हल्ला — “दोगले स्वभाव आणि हवा-हवाई वायदे”,मायावतींनी अखिलेश यादव यांच्या समाजवादी पक्षावर थेट प्रहार करत म्हटलं, “सपा नेहमीच दलित आणि पिछड्या वर्गांना फसवत आली आहे. त्यांचा PDA फॉर्म्युला हा केवळ मत मिळवण्याचा मुखवटा आहे.”काँग्रेसवरही त्यांनी चढाओढीचा हल्ला चढवत, “हवा-हवाई वायदे आणि जमीन नसलेले कार्यक्रम हा त्यांचा इतिहास आहे,” असा टोला लगावला.

या वक्तव्यांनी सभेत उपस्थित कार्यकर्त्यांमध्ये जोरदार जल्लोष झाला आणि सपा–बीएसपी संघर्षाची नवी दिशा स्पष्ट झाली.

???? 2027 साठी स्पष्ट घोषणा : “गठबंधन नाही, स्वतंत्र लढाई!”मायावतींनी या सभेत 2027 च्या विधानसभा निवडणुकीसाठी बीएसपीचा स्पष्ट मार्ग ठरवला —“बीएसपी कोणत्याही पक्षाशी गठबंधन करणार नाही. आम्ही आपल्या संघटनाच्या बळावर लढू.”या घोषणेमुळे संपूर्ण उत्तर प्रदेशात राजकीय चर्चांना उधाण आले आहे. भाजप आणि सपा या दोन्ही पक्षांसाठी ही घोषणा रणनीती बदलण्याचा इशारा ठरू शकते.

???? ‘भाईचारा समित्या’ पुन्हा कार्यरत — दलित–OBC एकतेचा नवा अध्याय,सभेत मायावतींनी जाहीर केले की बीएसपी ‘भाईचारा समित्या’ पुन्हा सक्रिय करणार आहे. या समित्यांमार्फत OBC समाजाशी संवाद वाढवून दलित–OBC मतसंघटनाचा नवा प्रयोग सुरू होणार आहे. राजकीय जाणकारांच्या मते, हे समाजवादी पक्षाच्या PDA (पिछड़े, दलित, अल्पसंख्यक) तत्त्वाला थेट प्रत्युत्तर आहे.

???? आकाश आनंद पुढे — “पुढच्या नेतृत्वाचा चेहरा तयार” रॅलीतील आणखी एक महत्त्वाचा क्षण म्हणजे मायावतींनी आकाश आनंद यांना पुढील नेतृत्वाच्या भूमिकेत पुढे आणले. त्या म्हणाल्या, “आकाश मेहनत घेत आहे. कार्यकर्त्यांनी त्यांना संपूर्ण पाठिंबा द्यावा.”या वक्तव्यानंतर उपस्थित तरुणांमध्ये उत्साहाची लाट पसरली. बीएसपीत नेतृत्व हस्तांतरणाची नवी पायरी सुरू झाल्याचे संकेत मिळाले.

???? “गुप्त गठबंधन” आणि EVM वर प्रश्नचिन्ह ,मायावतींनी सपा–काँग्रेसवर “गुप्त गठबंधन” असल्याचा आरोप करत सांगितले की, “हे सर्व पक्ष मिळून बीएसपीला सत्ता येऊ न देण्याचा डाव रचत आहेत.” त्याचवेळी त्यांनी निवडणूक पद्धतीवर प्रश्न उपस्थित करून “EVM मध्ये गडबडी होत आहेत, म्हणून बॅलेट पेपर परत आणावेत,” अशी मागणी केली

???? राजकीय विश्लेषण : रणनीती आणि परिणाम १. बीएसपीचा पुनरुत्थान संदेश : या रॅलीतून बीएसपीने पुन्हा एकदा आपल्या संघटनाची ताकद दाखवली आहे. मैदानात उतरलेले कार्यकर्ते आणि प्रचंड उपस्थिती यामुळे “बीएसपी संपली नाही, ती पुन्हा सज्ज आहे” असा संदेश गेला.२. सामाजिक समीकरणातील नवचाल :OBC आणि दलित मतांचे एकत्रीकरण करण्याचा प्रयत्न सपा साठी डोकेदुखी ठरू शकतो. ३. भाजपा साठी सावधतेचा इशारा : भाजपा सरकारची मर्यादित प्रशंसा असूनही, मायावतींची स्वतंत्र लढाई भाजपा मतांवर परिणाम करू शकते. ४. सपा–बीएसपी संघर्ष तीव्र :दोन्ही पक्ष एकाच मतदारवर्गावर लक्ष केंद्रित करत असल्याने, आगामी निवडणुकीत थेट टक्कर निश्चित.५. नव्या पिढीचा ओढा :आकाश आनंदमुळे बीएसपीला युवाशक्तीचा पाठिंबा मिळू शकतो, ज्याचा दीर्घकालीन राजकीय फायदा होऊ शकतो.

“बहुजन चळवळ नव्या वळणावर”मायावतींची ही सभा केवळ स्मरणोत्सव नव्हती; ती एक राजकीय शंखनाद सभा होती.बीएसपी आता नव्या जोमाने, नव्या नेतृत्वासह, दलित–OBC एकतेच्या नव्या तत्त्वावर आधारित प्रचारयात्रेसाठी सज्ज झाली आहे.लखनऊच्या या सभेने उत्तर प्रदेशचे राजकीय समीकरण हादरवले असून, 2027 ची निवडणूक आता अधिकच रोचक होणार हे निश्चित आहे.