भारतीय डाक विभागात 'राष्ट्रीय टपाल सप्ताह' उत्साहात!

POSTFORPEOPLE LOCAL SERVICE, GLOBAL REACH' या थिमखाली आधुनिकीकरणाचा ध्यास

09 October, 2025

पुणे  दि.९(जरंडेश्वर समाचार):– भारतीय डाक विभागान ६ ते १० ऑक्टोबर २०२५ या कालावधीत राष्ट्रीय टपाल सप्ताह उत्साहात साजरा केला. दरवर्षी ९ ऑक्टोबर रोजी साजरा होणाऱ्या जागतिक टपाल दिनाची यंदाची थीम “#POSTFORPEOPLE LOCAL SERVICE, GLOBAL REACH” अशी होती. या सप्ताहात विभागाने विविध सामाजिक, तांत्रिक आणि जनजागृतीपर उपक्रम राबवून आधुनिकीकरण व नागरिकांशी संवाद साधण्यावर भर दिला.

​???? तंत्रज्ञान, वित्तीय समावेशन आणि जनसेवांचा त्रिवेणी संगम

​डाक विभागाच्या सेवा आता अधिक वेगवान, विश्वासार्ह आणि पारदर्शक बनल्या आहेत, असे सहाय्यक पोस्टमास्टर जनरल अ. जी. पाखरे यांनी सांगितले. पारंपरिक टपाल सेवांच्या पलीकडे जाऊन, विभाग आर्थिक समावेशन, डिजिटल सक्षमीकरण आणि शेवटच्या टोकापर्यंत कनेक्टिव्हिटी मजबूत करण्यावर लक्ष केंद्रित करत आहे. कोअर बँकिंग सोल्यूशन (CBS), DARPAN प्रकल्प आणि डायनॅमिक QR कोड यांसारख्या तंत्रज्ञानाचा वापर करून ग्रामीण भागातील सेवांचे स्वरूप बदलले आहे. इंडिया पोस्ट पेमेंट्स बँकेत (IPPB) आतापर्यंत सुमारे ३४ लाख खाती उघडण्यात आली आहेत.

​पुणे टपाल क्षेत्रात पुणे, अहमदनगर, सातारा आणि सोलापूर या चार जिल्ह्यांचा समावेश असून, या क्षेत्रात ७ हजार कर्मचारी, १० हेड पोस्ट ऑफिस, ४८७ सब ऑफिस आणि २१८२ शाखा टपाल कार्यालयांद्वारे सेवा पुरवली जाते.

​???? सप्ताहातील विविध दिवसांचे उत्सव

​सप्ताहात दररोज वेगवेगळ्या विषयांवर आधारित उपक्रम राबवण्यात आले:

• ​तंत्रज्ञान दिवस (६ ऑक्टोबर): नव्या तंत्रज्ञानावर आधारित सोशल मीडिया मोहिमा आणि प्रश्नमंजूषा आयोजित.
• ​आर्थिक समावेशन दिवस (७ ऑक्टोबर): ग्रामीण भागात पीएलआय/आरपीएलआय शिबिरे आणि ‘डाक चौपाल’ उपक्रम.
• ​टपाल तिकिट व नागरिक सेवा दिवस (८ ऑक्टोबर): शालेय विद्यार्थ्यांसाठी ‘ढाई आखर’ पत्रलेखन स्पर्धा आणि आधार शिबिरे.
• ​जागतिक टपाल दिन (९ ऑक्टोबर): ‘पोस्टॅथॉन वॉक’ (Vocal for Local) आणि ‘एक पेड माँ के नाम’ वृक्षारोपण मोहिमेने साजरा.
• ​ग्राहक दिवस (१० ऑक्टोबर): ग्राहकांच्या अभिप्रायांचे प्रदर्शन, पत्रकार परिषद आणि नुक्कड नाट्याद्वारे जनजागृती.

​???? सेवांचा विस्तार आणि सामाजिक बांधिलकी

​डाक विभागाने अलीकडेच आंबेगाव बीके, बावधन, रावळगाव आणि चर्होली येथे नवीन टपाल कार्यालये सुरू केली आहेत. विमा, गृहकर्ज, वाहनकर्ज, आधार सेवा इत्यादी सुविधा नामांकित विमा कंपन्यांसोबतच्या टाय-अपमुळे उपलब्ध झाल्या आहेत.

​'एक पेड माँ के नाम' या मोहिमेतून पर्यावरण संवर्धनाचा, तर 'पोस्टॅथॉन वॉकिंग इव्हेंट'द्वारे 'व्होकल फॉर लोकल' या संकल्पनेला बळ मिळाले. AePS सुविधेमुळे बँक नसतानाही पैसे काढणे शक्य झाले आहे. पुणे पार्सल हब आणि डाक निर्यात केंद्रामुळे आंतरराष्ट्रीय पार्सल सेवांनाही वेग आला असून, "सेवा हीच साधना" या तत्त्वावर आधारित नवे युग डाक विभाग उभारत आहे.