विश्वास पाटील यांच्यावर ९९ व्या साहित्य संमेलनाचे अध्यक्षपदाची जबाबदारी

१ ते ४ जानेवारी २०२६ दरम्यान शाहू स्टेडियमवर भरणार संमेलन

15 September, 2025

सातारा |दि.१५ (जरंडेश्वर समाचार) :  अध्यक्षपदी विश्वास पाटील यांची एकमताने निवड अखिल भारतीय मराठी साहित्य महामंडळाच्या १४ सप्टेंबर रोजी झालेल्या बैठकीत साताऱ्यात होणाऱ्या ९९ व्या अखिल भारतीय मराठी साहित्य संमेलनाच्या अध्यक्षपदी सुप्रसिद्ध साहित्यिक विश्वास पाटील यांची निवड करण्यात आली. त्यांच्या नावावर एकमताने शिक्कामोर्तब झाले असून, इतर कोणतेही नाव चर्चेत आले नाही.

 संमेलनाचा कालावधी व स्थळ

कालावधी : १ ते ४ जानेवारी २०२६

स्थळ : छत्रपती शाहू स्टेडियम, सातारा (१४ एकर क्षेत्र)

सोयीसुविधा : २५,००० क्षमतेची गॅलरी, स्वतंत्र कवीकट्टा, गझलकट्टा, ग्रंथप्रदर्शन व मोठ्या प्रमाणात पार्किंग व्यवस्था.

 संमेलनातील वैशिष्ट्यपूर्ण उपक्रम

१. ग्रंथदिंडी व उद्घाटन

उद्घाटनाच्या आदल्या दिवशी ग्रंथदिंडी, ग्रंथप्रदर्शन व बालकुमारांसाठी आनंदमेळावा. दुसऱ्या दिवशी सकाळी औपचारिक उद्घाटन सोहळा.

२. विशेष आमंत्रित

सर्व माजी अध्यक्ष

सरस्वती सन्मानप्राप्त लेखक

साहित्य अकादमी पुरस्कार विजेते लेखक

महामंडळाचे माजी अध्यक्ष

३. आकर्षक कार्यक्रम

निमंत्रित कविसंमेलन

समकालीन पुस्तकांवर चर्चा

नामवंत लेखकांशी संवाद

परिसंवादावर भर – भाषणांपेक्षा चर्चेला प्राधान्य.

४. ग्रंथप्रदर्शन

चार दिवस वाचकांसाठी खुला लाभ.

विश्वास पाटील यांच्या अध्यक्षपदावर नेमणुकीमुळे समाजमाध्यमांवर मिश्र प्रतिक्रिया उमटल्या.

काहींच्या मते, "स्थानिक अर्थव्यवस्थेला चालना मिळेल."

तर इतरांचा आक्षेप, "मोठा खर्च होतो, परंतु फायदा थेट जनतेपर्यंत पोहोचत नाही."

पर्यटन, हॉटेल व्यवसाय, वाहतूक आणि स्थानिक उद्योगांना संमेलनाचा फायदा होण्याची शक्यता.

परंतु कोट्यवधी रुपयांचा खर्च वाया जाऊ नये, असा समाजातील एका गटाचा आग्रह.

योग्य नियोजन झाल्यास साताऱ्याला दीर्घकालीन फायदा.

मराठी साहित्यातील ठळक नाव म्हणून विश्वास पाटील यांचे योगदान लक्षणीय आहे.

त्यांच्या प्रसिद्ध कादंबऱ्या :

पानिपत

संभाजी

पांगिरा (साहित्य अकादमी पुरस्कारप्राप्त)

चंद्रमुखी

क्रांतिसूर्य

आंबी

महासम्राट

बंदा रुपाया

साताऱ्यातील ९९ वे अखिल भारतीय मराठी साहित्य संमेलन हे ऐतिहासिक आणि सांस्कृतिक पर्वणी ठरणार आहे.

विश्वास पाटील यांच्या नेतृत्वाखाली संमेलनाला एक नवी दिशा मिळेल, असा साहित्यप्रेमींचा विश्वास.

स्थानिक पातळीवरील अर्थकारण आणि राष्ट्रीय स्तरावर साताऱ्याची ओळख — या दोन्ही आघाड्यांवर संमेलनाचे महत्व अधोरेखित होत आहे.

सातारा जिल्हा हा छत्रपती शिवाजी महाराज, फुले शाहू आंबेडकर अण्णाभाऊ साठे यांच्या विचाराचा हा जिल्हा असून या जिल्ह्यामध्ये हे साहित्य संमेलन होत असल्यामुळे जगभरातील विचारवंतांचे लक्ष या संमेलनाकडे आहे जसजसे संमेलन जवळ येईल तस तशा प्रतिक्रिया उमटायला सुरुवात होईल, सातारा जिल्ह्यातील डॉ.आ.ह साळुंखे तात्या, साहित्यिक लक्ष्मण माने, साहित्यिक पार्थ पोळके, असे अनेक साहित्यिक विचारवंत सातारा जिल्ह्यामध्ये आहेत, त्यांचे या साहित्य  समेलनाकडे  बारकाईने लक्ष आहे.