सातारा जिल्हा परिषदेत अभियंता दिन उत्साहात साजरा

मुख्य कार्यकारी अधिकारी याशनी नागराजन यांच्या अध्यक्षतेखाली कार्यक्रम संपन्न

15 September, 2025

सातारा |दि.१५ जरंडेश्वर समाचार)– विश्वेश्वरय्या जयंतीनिमित्त सातारा जिल्हा परिषद सभागृहात अभियंता दिनाचा भव्य कार्यक्रम मोठ्या उत्साहात पार पडला. जिल्ह्यातील कार्यकारी अभियंते, उपायुक्त व शाखा अभियंते मोठ्या संख्येने उपस्थित होते.

जिल्हा परिषदेच्या मुख्य कार्यकारी अधिकारी श्रीमती याशनी नागराजन यांच्या अध्यक्षतेखाली कार्यक्रम संपन्न झाला. प्रमुख अतिथी म्हणून अतिरिक्त मुख्य कार्यकारी अधिकारी श्री. विश्वास सिद, प्रकल्प संचालक (जि.ग्रा.वि.यं.- प्रभारी) श्री. विश्वास सिद, तसेच मुख्य लेखा व वित्त अधिकारी श्री. राहुल संपत कदम मोशीन मोदी कार्यकारी अभियंता उपस्थित होते.

कार्यक्रमात अभियंत्यांच्या समाजातील योगदानावर चर्चा सत्र झाले. उत्कृष्ट कामगिरी करणाऱ्या अभियंत्यांचा सन्मान करण्यात आला.

विशेष म्हणजे, जिल्हा परिषदेच्या अधिकृत वेबसाइट, युट्युब चॅनेल, इंस्टाग्राम आणि फेसबुक पेजवरून या कार्यक्रमाचे थेट प्रक्षेपण करण्यात आले. त्यामुळे जिल्ह्यातील सर्व नागरिकांपर्यंत या सोहळ्याचा प्रसार झाला.

कार्यक्रमाची ठळक वैशिष्ट्ये:

अध्यक्षीय भाषण: मुख्य कार्यकारी अधिकारी यांनी अभियंत्यांच्या योगदानावर प्रकाश टाकला.

चर्चा सत्र: अभियंत्यांच्या विविध समस्यांवर चर्चा.

सन्मान समारंभ: उत्कृष्ट अभियंत्यांचा सन्मान.

या कार्यक्रमाचे उद्दिष्ट अभियंता समाजाच्या योगदानाची दखल घेणे आणि विकासकामांमध्ये त्यांचे महत्त्व अधोरेखित करणे हे होते. आगामी काळात विविध विभागांत नवीन पदभरती जाहीर करण्याचे नियोजन जिल्हा परिषदेने जाहीर केले आहे.

संपूर्ण कार्यक्रम यशस्वी ठरला असून, अभियंता दिनानिमित्त जिल्ह्यातील अभियंत्यांना एकत्र आणण्यात जिल्हा परिषदेने मोलाची भूमिका बजावली.