महाराष्ट्रातील सहा पर्यटकांचा दहशतवादी हल्ल्यात मृत्यू
सातारा साहित्य संमेलन
साताऱ्यात दरवर्षी 'शिवसाहित्य संमेलन भरवणार-ना.शिवेंद्रसिंहराजे भोसले
18 February, 2025
सातारा दि.१८- छत्रपती शिवाजी महाराज, छत्रपती संभाजी महाराज यांचा जाज्वल्य इतिहास, त्यांचे सरदार, शिलेदार यांचा आपल्याला माहित नसलेला इतिहास समाजापुढे आला पाहिजे. खरा इतिहास प्रत्येकाला समजला पाहिजे या उद्देशाने आपण एक दिवसाचे शिवसाहित्य संमेलन साताऱ्यात भरवले. केवळ आजच नव्हे तर, छत्रपतींच्या इतिहासाला सातत्याने उजाळा मिळण्यासाठी शिवसाहित्य संमेलन दरवर्षी घेतले जाईल, असे सार्वजनिक बांधकाम मंत्री ना. श्रीमंत छ. शिवेंद्रसिंहराजे भोसले यांनी स्पष्ट केले. दरम्यान, 'गोष्ट इथे संपत नाही' या कार्यक्रमाने सातारकरांना ऐतिहासिक सफर घडवून शिवाजी महाराजांचा इतिहास उलगडला. छत्रपती शिवाजी महाराज यांच्या जयंतीनिमित्त शिवजयंती महोत्सव समिती राजधानी सातारा यांच्यावतीने तीन दिवस भरगच्च कार्यक्रम आयोजित करण्यात आले असून महोत्सवाच्या दुसऱ्या दिवशी देशातील पहिले 'शिवसाहित्य' संमेलन सातारा येथील शाहू कलामंदिर येथे उत्साहात झाले. या संमेलनाच्या समारोपप्रसंगी ना. शिवेंद्रसिंहराजे बोलत होते. यावेळी प्रसिद्ध अभिनेत्री मृणाल कुलकर्णी, आयसीआर नवी दिल्लीचे अध्यक्ष खा. डॉ. विनय सहस्त्रबुद्धे, महाराजा शिवछत्रपती प्रतिष्ठान पुणेचे विश्वस्त विनीत कुबेर, माजी उपनगराध्यक्ष अमोल मोहिते, महाराष्ट्र साहित्य परिषद पुणेचे कोषाध्यक्ष विनोद कुलकर्णी, ऍड. नितीन शिंगटे, अमित कुलकर्णी, दत्ताजी थोरात आदी मान्यवर उपस्थित होते. एकदिवसीय शिवसाहित्य संमेलनात पहिल्या सत्रात सौरभ कर्डे यांनी 'छत्रपती शिवराय व स्वराज्याचे शिलेदार', शैलेश वरखडे यांनी 'थोरली मसलत' यावर व्याख्यान देऊन इतिहासाला उजळणी दिली. दुसऱ्या सत्रात कु. पियुषा भोसले व सहकलाकारांनी 'शिवशाहिरांचे पोवाडे' हा कर्यक्रम सादर करून इतिहासप्रेमी व उपस्थितांची मने जिंकली. तिसऱ्या सत्रात मोहन शेटे यांनी 'छत्रपतींची युद्धनीती' आणि प्रा. प्र. के. घाणेकर यांनी 'छत्रपतींचे दुर्गवैभव' यावर सविस्तर माहिती देत शिवकालीन इतिहास उलगडला. संमलेनाच्या समारोप्रसंगी