सहकारी निवडणुकाना पावसामुळे थांबावं लागलं

राज्यभरातील अतिवृष्टीच्या पार्श्वभूमीवर सहकारी साखर कारखाने आणि जिल्हा बँकासह २८५ सहकारी संस्थांच्या निवडणुकांना राज्य सरकारने बुधवारी स्थगिती

21 August, 2025

मुंबई :दि.२१(जरंडेश्वर समाचार):राज्यात गेल्या काही दिवसांत झोडपून पाऊस पडतोय. शेतकरी मंडळी खरीपाचं काम धुवांट करतातय. या पार्श्वभूमीवर सरकारनं सहकारी साखर कारखाने, जिल्हा बँका धरून तब्बल २८५ सहकारी संस्थांच्या निवडणुका थांबवल्यात.

सध्या राज्यभरात ३ हजार १८८ सहकारी संस्थांची निवडणूक चालू आहे. यात सहकारी बँका, गृहनिर्माण महामंडळ, सूत गिरण्या, बाजार समित्या, गृहनिर्माण संस्था, साखर कारखाने, बँका – असं सगळं आलंय. पण मुसळधार पावसामुळे शेतकरी मंडळी स्वतःच्या शिवारात अडकलीयत.

३० जिल्ह्यांत ८० टक्क्यांपेक्षा जास्त पाऊस झालाय, त्यातल्या १५ जिल्ह्यांत तर १०० टक्क्यांहून जास्त पाऊस झालाय. त्यामुळे शेतकरी सभासद मंडळीना निवडणूक प्रक्रियेत भाग घेणं अवघड होऊन बसलं. ह्यामुळे सरकारनं ठरवलंय की ३० सप्टेंबरपर्यंत म्हणजे पावसाचा हंगाम शमत नाही तोवर या निवडणुका पुढं ढकलायच्या.

पण ज्या संस्थांची चिन्हवाटपाची प्रक्रिया पूर्ण झालीये, निवडणूक संपलीये पण पदाधिकाऱ्यांची निवड बाकीये किंवा न्यायालयीन आदेशानं निवडणुका घ्यायच्याच आहेत – त्या संस्थांना मात्र या स्थगितीतून वगळलंय.