जावळीकरांच्या ऋणात सदैव राहीन - आ.शशिकांत शिंदे

जावळीकरांनी आमदार शशिकांत शिंदे यांचा भव्य दिव्य असा सत्कार केला

05 August, 2025

मेढा(जरंडेश्वर समाचार):-जावळीचा सुपुत्र असल्याचा मला अभिमान आहे गेली अनेक वर्ष  या तालुक्यातील जनतेने मला प्रेम दिले आणि भव्य सत्कार सुद्धा केला त्यामुळे मी जावळीकरांच्या ऋणात कायम राहीन असे असे भावनिक उध्दगार आमदार शशिकांत शिंदे यांनी सत्कार समारंभाच्या निमित्ताने काढले, आपल्या सत्काराने मी भारावून गेलो असून मला पुन्हा एकदा राष्ट्रवादी काँग्रेस पक्षाने प्रदेशाध्यक्ष म्हणून संधी दिली  आहे. हा जावळीकरांचा बहुमान आहे. आगामी होऊ घातलेल्या स्थानिक स्वराज्य संस्थांच्या निवडणूका मध्ये आपल्या सर्व प्रमुख कार्यकर्त्यांना साथ द्यावी, सत्ता द्यावी असे भावनिक आव्हान राष्ट्रवादी काँग्रेस पक्षाचे महाराष्ट्र प्रदेशाध्यक्ष व जावळीचे सुपुत्र आमदार शशिकांत शिंदे यांनी केले.

सातारा जिल्ह्यात मी मोठा झालो तर त्यांचे राजकीय अस्तित्व संपेल, या भीतीने मला जिल्ह्यात मोठे होऊ दिले जात नाही. माझा अभिमन्यू करण्याचा प्रयत्न झाला. परंतु, जावलीची आणि कोरेगावची जनता माझ्यासोबत ठाम असल्यामुळे मी माझे अस्तित्व टिकवू शकलो. आजवरचे नेते माझ्यासोबत नसले, तरी सर्व सामान्य जनता माझ्यासोबत आहे. जावलीचा हा तुमचा वाघ कुणाला नमणार नाही, कायम वाघच राहील, अशा शब्दांत शरद पवार राष्ट्रवादी काँग्रेसचे प्रदेशाध्यक्ष आ. शशिकांत शिंदे यांनी आपल्या आगामी रणनीतीचे इरादे स्पष्ट केले.

मेढा येथील कलश मंगल कार्यालयात झालेल्या या ऐतिहासिक सत्कार सोहळ्याला राष्ट्रवादी काँग्रेस पक्षाच्या राज्य सरचिटणीस पदी निवड झाल्याबद्दल आमदार रोहित पवार तसेच सीए परीक्षेमध्ये उत्तीर्ण झालेल्या हूमगावची कन्या कुमारी प्राजक्ता पवार यांचाही सत्कार करण्यात आला.

राष्ट्रवादी काँग्रेस शरदचंद्र पवार पक्षाच्या प्रदेशाध्यक्षपदी आ. शशिकांत शिंदे यांची निवड झाल्याबद्दल जावलीकरांच्या वतीने त्यांचा भव्य सत्कार करण्यात आला. यावेळी ते बोलत होते. कार्यक्रमाला राष्ट्रवादी पक्षाचे सरचिटणीस आ. रोहित पवार यांची प्रमुख उपस्थिती होती. यावेळी ज्येष्ठ नेते शंकरराव पवार, माजी आमदार सदाशिव सकपाळ, विठ्ठल गोळे, तेजस शिंदे, ऋषीकांत शिंदे, गोपाळ बेलोशे, प्रकाश भोसले, राजेंद्र शेलार, मनोज परामणे, समिंद्रा जाधव, अर्चनादेशमुख, मोहन शिंदे, राजकुमार पाटील, मयूर देशमुख, सुरेश पार्टें विचार पिठावर उपस्थित होते.

काही लोक म्हणाले, जावलीमध्ये पक्ष शिल्लक नाही. जेवढे लोक पदाधिकारी, कार्यकर्ते बनवले, त्यांना पदे दिली ते सगळे सत्तेच्या पाठीमागे गेले. मात्र, त्यांना घडवणारे होते ते माझ्याबरोबर आहेत. मी २५ टक्के असलेल्या पक्षाचा अध्यक्ष झालो असेल, तर शब्द देतो की २५ टक्केचा हा जावलीचा सुपुत्र १०० टक्के पक्ष केल्याशिवाय गप्प बसणार नाही, असा विश्वासही आ. शशिकांत शिंदे यांनी व्यक्त केला. मतदारसंघ फुटला नसता, तर महाराष्ट्रात विक्रमी मताने निवडून येण्याचा इतिहास मी केला असता. इतकं प्रेम या सर्व लोकांनी माझ्यावर केले आहे आणि मी कामदेखील केले आहे. माझ्या डोक्यात आमदारकी गेली नसल्याचेही त्यांनी सांगितले.

शशिकांत शिंदे म्हणाले, शरद पवार ही माझी ऊर्जा असून जावलीची जनता आज ही माझ्यावर तेवढेच प्रेम करते. या कार्यक्रमाला झालेल्या गर्दीवरुन ते दिसून येत आहे, जावलीकरंनी मला प्रचंड प्रेम दिले असून या प्रेमातून उतराई होण्याचा मी निश्चत प्रयत्न  करणार आहे, जिल्ह्यात मी मोठा होऊ नये म्हणून  अनेक जनांचे प्रयत्न झाले, हा जावलीचा वाघ वाकणार नमणार नाही, हा वाघ वाघच राहिलं.   मी कोणाला दुश्मन मानत नाही, हे मी माझ्या कामाने आणि कतुत्वाने दाखवून देईन, असे सांगून आ. शिंदे म्हणाले, जावली तालुक्यात ओला दुष्काळ जाहीर करावा, यासाठी मी विधानसभेत भांडलो,   जावली आणि कोरेगाव मला समान आहे.  शरद पवारसाहेबांनी माझ्यावर मोठी जबाबदारी टाकली आहे. तुमचा हा सुपुत्र जबाबदारीच सोनं केल्याशिवाय गप्प बसणार नाही. आ. रोहित पवार म्हणाले , आजची गदीं बगून जो आदर इथल्या जनतेचा शशिकांत 

शिंदे यांच्या बद्दल आहे तोच आदर शरद पवार साहेबांचा ही आहे, सध्या राजकारणाचा जनतेला किळस वाटायला लागला असून निष्ठा राहिली नाही.आज शशिकांत शिंदे तिकडे गेले असते तर मंत्री दिसले असते,  परंतु ते गेले नाहीत. जे पक्षाचे  गेलेत ते जनतेचा विकास करायचा या गोंडस नावाखाली स्वतःचा विकास करायला गेले आहेत. निष्ठेचे खरं नाव शिशकांत शिंदे असून या सरकारने शेतकऱ्यांची आया बिहणींची फसवणूक केली आहे. पैसे खाणे एवढेच काम सरकार करत असून ते पैसे निवडणूकीत वापरले जात आहेत, यासाठी आपणा सर्वाना संघर्ष करावा लागेल .

 तालुक्यातील मावळे नेहमीच विकास कामाकडे लक्ष देतात. त्यामुळे आगामी राजकीय वाटचाल करताना जावळीकरांनी गद्दारी करणार ना धडा शिकवावा असे आवाहन आमदार रोहित पवार यांनी केले. यावेळी मान्यवरांचे विचार ऐकण्यास मिळाले. या सत्कार समारंभाला मोठ्या संख्येने सरपंच उपसरपंच ग्रामपंचायत सदस्य, ग्रामस्थ मोठ्या संख्येने उपस्थित होते. या सर्वांनी भोजनाचा आस्वाद घेतला.

यावेळी मेढा पोलीस ठाण्याचे अधिकारी  सुधीर पाटील यांच्यासह पोलिसांनी चोख बंदोबस्त ठेवला होता.